Сумын Засаг даргын 2021.08.19 ны өдрийн “Үзэсгэлэн худалдаа зохион байгуулах тухай” А\103 тоот захирамжаар “Шилмэл сүрэг” үзэсгэлэн худалдааг  зохион байгуулж, шилдэгүүдийг тодорууллаа.

        Шилмэл адуу шалгаруулалтанд: Замт 4-р багийн иргэн “Бага булаг” малчдын бүлгийн гишүүн Н. Амарсанаагийн зээрд азрага үүлдэрлэг чанараар 1-р байр, Аргал 2-р багийн Аймгийн аварга, мянгат малчин , Аймгийн алдарт уяач Ч. Бямбасүрэнгийн халтар гүү үүлдэрлэг чанараар 1-р байр, Шилмэл үхрийн шалгаруулалтанд:  Нийт 5 бух оролцлоо. Сэлэнгийн Герфорд үүлдрийн бух 2 , Алатау үүлдрийн 2 бух, Монгол үүлдрийн 1 бух оролцсоноос Замт 4-р багийн малчин Сумын аварга, Мянгат малчин, Хорголжуут малчдын бүлгийн ахлагч Д. Болдбаатарын Сэлэнгийн Герфорд үүлдрийн хязаалан бух үүлдэрлэг байдал, жин, тарга хүчний байдлаар 1-р байр, Алтан-Овоо 3-р багийн мянгат малчин Б. Төмөр-Очирын Сэлэнгийн Герфорд үүлдрийн бух 2-р байр эзэллээ.

Шилмэл үнээний төрөлд: Замт 4-р багийн “Бага булаг” малчдын бүлгийн ахлагч Д.Алтанцоожийн хар тарлан үүлдрийн гунжин үнээ 1-р байр , Шилмэл хонины шалгаруулалтанд: Алтанбулаг хэвшлийн улаан  хуц 6,  хуцан хурга 13, Баянцагааны илүү нугаламтын ууцан сүүлтийн хуц 6, Ууцан сүүлтийн хуц 8 оролцлоо.

  Шилмэл хуцны төрөлд Замт 4-р багийн мянгат малчин Алтанбулаг хэвшлийн хонины сүргийг үржүүлэгч Ч. Гансүхийн хязаалан насны улаан хуц 1-р байр, Замт 4-р багийн  Аймгийн аварга, мянгат малчин “Хорголжуут” малчдын бүлгийн гишүүн Н. Дондогдоржын  ууцан сүүлтийн хар халзан хуц 2-р байр, Алтан-Овоо 3-р багийн  Аймгийн залуу аварга малчин Д.Нацагнямын Баянцагааны илүү нугаламтын ууцан сүүлт шар халзан хуц 3-р байр Шилмэл эм хонины төрөлд Замт 4-р багийн мянгат малчин Ч. Гансүхийн Алтанбулаг хэвшлийн улаан эм хонь 1-р байр, Замт 4-р багийн Сумын аварга, мянгат малчин, “Хорголжуут” малчдын бүлгийн ахлагч Д. Болдбаатарын Алтанбулаг хэвшлийн улаан зусаг хонь 2-р байранд орлоо.

     Шилмэл ямааны төрөлд:  Алтан-Овоо багийн Аймгийн аварга, мянгат малчин, Алтанбулаг хэвшлийн улаан хонины цөм сүргийг үржүүлэгч, Хустай мандал хоршооны дарга М.Нямсүрэнгийн  Ангор үүлдрийн цагаан ухна 1-р байр, Алтан-Овоо 3-р багийн Аймгийн залуу аварга малчин Д.Нацагнямын хүрэн зүсний хязаалан ухна -2 байран орлоо.

  Үзэсгэлэн худалдаа зохион байгуулж ажиллахад малчид  малчдын бүлгүүдээ уриалан идэвхи санаачлагатай оролцсон баг хамт олныг шалгаруулсан бөгөөд Б. Отгонбаяр даргатай Замт 4-р баг тэргүүн байр, Д. Баярсайхан даргатай Алтан-Овоо 3-р баг 2-р байранд шалгарч өргөмжлөл мөнгөн шагнал хүртлээ.